State Librarian chuan Mizoram State Central Library tlawhtu an pung ve zel niin tunhnaiah a sawi a. Library-ah hian lehkhabu 71,833 awmin heng zinga 5807 (8.08%) chu naupang lehkhabu a ni.
Tun dinhmuna library tlawhtu an pung chho ve leh ta deuh nia sawi a nih hnu pawh hian, kum 2023-24 chhunga library tlawhtu zat chu 6110 a ni a. Chawhrualin thla tina library tlawhtu hi mi 509 an awm tihna a ni a. Ni tina library tlawhtu zat hi chawhrualin 23.13 tihna a ni bawk.
State pakhat library ve riang ruang, lehkhabu singsarih chuang zet awmna ni ve si, ni tina tlawhtu zat hi a tlem em em mai tihna a ni. Heng zingah hian zirlai an la tam ber nghe nghe a, zirlai ni lo, general phei chu an awm mang lo tihna a ni.
Naupang lehkhabu hi a awm tha thawkhat hle a, mahse library awmna hi naupang tan a fianrial deuh avangin heti zat lehkhabu hi naupangten a nihna tur angin an chhawr tangkai pha lo tihna a ni.
State Library hi Khatla-a a awm lai khan, zirlai naupang, uniform ha chunga tlawhtu kha an thahnem thin hle a, mahse state library awmna sawn a nih hnuah hi chuan, zirlai naupang zawkten an pan ta meuh lo. Hei hi a chhan chu library awmnain a zir tak loh vang a ni. Hei hi huai taka sawi ngam a nih chhan chu, hmun laili lama library a awm lai kha chuan library-ah zirlai leh naupang zawkte an phu laih laih reng thin a ni.
Zirlai leh naupang zawkte lehkhabu chhiar uar tura kan infuih mek lai leh, social media-in lehkhabu a bawhbeh mek lai hian, lehkhabu ngaina tura kan target naupangte ban phaka lehkhabu chhawpchhuah lamah tan lakna chang kan hriat loh chuan, kan thalaite hmakhua hi a thim chho zel dawn tihna a ni thei awm e.
Library infrastructure tha leh ropui tak, lehkhabu tha tak tak thahnem tak awmna, tuna kan central library awmna hi puitling tan chuan pan harsa a ni chiah lo ang; mahse, naupang zawkte tan chuan, nu leh pa emaw, chhungte kalpuitu nei lo tan chuan han pan vang vang rem lo a ni tlat mai a. Chutih laiin ban phak lovah naupang lehkhabu kan chhawp nghek nghuk lawi si tihna a ni.
Hetah hian thuneitute hian ngaihtuahna seng se, hmun laili lama naupangte banphak tur library chhawpchhuah dan hi ngaihtuah a ngai a ni.
Lehkhabu leh naupang…
Get real time updates directly on you device, subscribe now.
Prev Post
Next Post