Zirlaite tan zirlai pawl din

Zirlaite tan zirlai pawl din
Mizorama zirlai harsa zawkte harsatna sukiang turin Aam Aadmi Party chuan hemi buaipui tur zirlai pawl – Chatr-Yuva Sangharsh Samiti Student (CYSS) an din tih an sawi.
AAP Mizoram CYSS hruaitute sawi danin, Mizoramah sawrkar sikul a that tawk loh avangin private sikula naupang kaltir an ngai thin chuan thingtlang leh khawpuia nu leh pate tan harsatna nasa tak a thlen phah tih an sawi a. Scholarship a hun taka lak theih loh, zirna in thalo, zirna hmanrua thalo leh zirtirtu indaihlo leh tha tawk lote hrereng siin, sawrkarin hma a la duh thin lo chu thalo tiin, zirlaite ngaihsaktu AAP an bel ta tih an sawi.
India khawpui ber Delhi-a AAP sawrkarnaah sawrkar sikulin nasa takin hma a sawn a, zirlaite pawhin private sikul ai chuan sawrkar sikul-a luh an thlang ta zawk hial tih an sawi a. AAP sawrkarna hnuaia hmasawnna nasa tak an hmuh thinte chu zirlaiten an awt a, Mizoramah pawh hetiang hi kan thlentir thei tih an sawi a ni.