Manchester United a kalsan hnu lawkah Ruud van Nistelrooy chuan hna a hmu leh nghal a, Premier League club Leicester City chuan Van Nistelrooy hi an manager thar atan ruai.
PSV Eindhoven manager hlui Ruud van Nistelrooy hian Erik ten Hag hmunruak luahin United chu manager lailawk niin a enkawl zuai a. United in an manager nghet atan Ruben Amorim an rawih fel hnuin Old Trafford a chhuahsan zui nghal. Old Trafford a chhuahsan atanga kar hnih hnu lekah hna a hmu leh nghal a, EPL champion hlui Leicester City chuan kum 2027 thleng daih contract ziahpuiin Van Nistelrooy hi an la lut.
EPL-ah an kaisan leh hnuin Foxes hi an khel tha lo viau a, vawi 12 an khelh thlengin point 1o chauh an hmu a, 16-naah an awm mek. Championship a champion puitu Steve Cooper an ban a. Cooper hmunruak luah turin Ruud van Nistelrooy an la lut zui leh nghal. PSV leh Manchester United a tawnhriat nei tawh Ruud van Nistelrooy hnuaiah chona thar hmachhawnin, hmasawn an tum ang. Nistelrooy chuan Leicester City a enkawl tur chu phurawm a tih thu a sawi. A club thar hi thawhleh zana West Ham United an mikhual hunah a enkawl tan ang.
Leicester City manager thar Nistelrooy
Get real time updates directly on you device, subscribe now.
Prev Post
Next Post