Leitha lei zat pung

Mizoram sorkarin leitha (fertilizer) a lei thin a, urea,
DAP leh MOP te a lei thin. Tun hnaiah leitha lei zat hi a pung.
Session liam taah khan ziaka chhan chi zawhna chhangin agriculture minister C Lalrinsanga’n leitha lei zat hi House a hrilh a, tun hnaiah a pung vek.
Agriculture department-in an lei hnem ber thin chu urea a ni a, 2019-ah MT (metric ton) 6133.46 lei niin, kum liam ta 2022-ah lei zat chu MT 9111.42 a tling. Kuminah July thlengin MT 7220.07 an lei tawh a, thla sarih chhungin 2019 kum tluana an lei aia tam an lei tawh.
Urea hi 2020 leh 2021-ah khan an lei tam lo; 2020-ah MT 1696.50 an lei a, 2021-ah MT 1315.89 an lei.
DAP hi a hma chuan an lei tam lem lo a, 2022-ah a pung hluai. 2019 leh 2020-ahte khan MT 100 ve ve an lei a, 2021-ah phei chuan an lei lo. 2022-ah MT 1252 an lei a, kuminah an la lei tam lo; July thla thleng khan MT 60 an lei tawh.
MOP hi a hmain kum thum chhung an lei lo a, 2019, 2020 leh 2021-ahte khan an lei lo. 2022-ah MT 60 an lei a, kuminah July thla thleng khan MT 25 an lei tawh.