Lemchan khawvelah Angelina Jolie a rawn kir leh dawn ta

Angelina Jolie chu lemchan lama a thawm a reh deuh vang vang hnuah a channa thar ‘Maria’ tih chu an tlangzarh leh dawn hnai ta a, kum 14 chhung zet a channa thar en tur a awm tawh loh hnuah biopic ‘Maria’ hi rawn comeback nan a hmang dawn a, he film-ah hian a talent that zia a phochhuak leh a, 2009 hnua Oscar nomination-a a lan lehna hmasa ber tur a nih an ring hial a ni.
Jolie hian lemchan chawlhsanin film siam lamah a insawrbing ve thung kha a nia, a film direct ‘By the Sea,’ ‘First They Killed My Father,’ leh ‘Without Blood’ te pawh a hlawhtlin pui thawkhat viau a ni. Lemchan lamah chuan 2021-a Marvek superhero movie ‘Eternals’ kha a hmel kan hmuh hnuhnun ber a ni rih a, tunah chuan kum 14 hnua a vawi khatnan a changtunu berah a rawn tang leh dawn ta a ni.
‘Maria’ biopic-a Maria Callas lema a chan bakah hian animated sequel ‘Kung Fu Panda 4’-ah a Master Tigress tan a aw a thawh leh dawn a ni. ‘Maria’ biopic-ah hian 1970s a Paris-a Maria Callas hun hnuhnung lam tarlan a ni.