Lengpui Airport ram chhungah ram nei an lo awm thluah tawh – Chief minister

Lengpui Airport ram chhungah mimal ram nei an lo awm thluah tawh a, hei hi chinfel tum mek a ni tih chief minister Lalduhoma chuan a sawi.Assembly Session-ah GAD changtu chief minister chuan, Lengpui Airport ram hi mimalin an lo la hek nasa tawh em em a, midang kutah hlan dawn ngawt pawh nise, a ram chin hi a buai tih a sawi.
“Mi thil tithei tak tak ten airport ram huamchinah LSC te an lo nei thluah tawh a, Revenue department-in a rang thei ang berin sruvey hna hi thawk se, an thawh zawh veleh airport ram chin kan hung anga, a hung hna leh sum sen ngaite nen GAD-in lo buaipui se kan ti. Kan han hung anga, sawrkarin khingtu pawh a ngah viau maithei. Dik lo taka tute emaw in khulaia ram an lo inpek khuan kan lu a ti hai a, kan inhlanchhawn lehzel na turah pawh hei hian kan lu a tihai hle,” a ti.
Man tlawm leh market tha kan pawh theihnan kan thlai tharte thlawhna (cargo) hmanga thawnchhuah theih dan zawn tha tiin, ZPM chuan airport an ngaipawimawh a, an policy ah pawh an telh tih Lalduhoma hian a sawi a. Sawrkar hmasa pawhin a ngaipawimawh a, Lengpui Airport-ah heng dinna tur hmun hi siamin, sum pawh SASCI hnuaia ruahman ni mah se, he sum hi work component pakhat zingah an telh a, sanction dawnin an lo paih leh a, sum a awm tak loh avangin an sa thei ta lo tih a sawi a ni.
Lengpui Airport chu a operational cost hrim hrim leh sum lakluh en chuan sum lut a awm ve tawh a. Chutihlaiin sum sen tawh, sawrkarin a invest tawh zawng zawng atanga chhut chuan kan hloh nasa a, kan la invest leh tur ngaihtuah phei chuan kan zo lo tih chief minister hian sawiin, “State dang pawhin an neih duh tawh loh, leiba in a delh beh sawrkar tana airport neih tum tlat hi kan economy nen a fuh lo. Engtia tih zel chi nge ni ang tih ngaihtuahtu Committee din a ni a, hei hian cargo chungchang pawh a keng tel,” a ti.
He Committee hian