Commerce & Industries minister F Rodingliana, Agriculture & Farmers Welfare minister PC Vanlalruata leh leh adviser to CM (Handholding Policy) Dr KC Lalmalsawmzauva te chuan Nilaini khan Export Promotion Industrial Park (EPIP) Lengte an tlawh.
EPIP Lengtea Mizoram thlai thar, a bikin sawhthing sawngbawlna tur hmun an thlithlai a. Mizoram thlai thar chhuah man man zawka state danga hralh theih tura sawngbawl nan EPIP Lengtea ruhrel (infrastructure) a tha tawk em tih an en a ni.
Sawrkarin dan anga plot a pekte dik taka hmang tangkai chu a theih ang anga puih zel an nih tur thu an sawi a. Kawlphetha leh EPIP chhunga inkalpawhna kawng chungchangah puih dan an dap tur thu an sawi bawk.
EPIP Lengtea food processing leh industry dang din tawhte an tlawh a. Mizoram Organic Mission hnuaia thlai chin aieng sawngbawlna hmun, thirchhia atanga iron rod siamna hmun, theitui siamna hmun leh Wood Processing Centre an tlawh. Wood based industry ho duhloh thingnawi pawh fiante, cloth hanger leh mulch siamna atan hman leh theih a ni tih finfiahin, hma lak zel tum a ni.
EPIP ram chhung nektu mimal an awm nia hriat chu a ranglama relfel thuai an tum a ni.
Lengtea industry hmun tlawh
Get real time updates directly on you device, subscribe now.
Next Post