LGBTQI+ survey nei dawn

LGBTQI+ survey nei dawn
Mizorama LGBTQI+ (Lesbian, Gay, Bisexual, Transgender, Queer, and Intersex adt) ho chu an data neih a duh avangin sawrkarin a zirchiang tur a ruat.
Social Welfare minister Lalrinpuii hoin Zirtawpni khan ngaihtuah a ni a. Sawrkarin LGBTQI+ chungchang a buaipui dan leh helam kawnga hma lak chhoh zel dan tur sawiho a ni. Sawrkar laipuiin transgender bik a ngaihpawimawh avangin an tan portal a siam tih pawh sawi a ni.
An ni ho dinhmun tak tak hre tur leh anmahni tanpui thei tur chuan sawrkarin data neih a tul tih sawi niin, a bultanna atan survey nei turin Mizoram Psychological Association leh Mizoram Professional Social Workers’ Association thiamna leh tha hman nise, he mi atan hian proposal fel tak department-in siam se tih an rel.
Thutkhawmah hian Social Welfare, Home leh Health department hotute bakah Mizoram Psychological Association hruaitute leh Mizoram Professional Social Workers Association hotute an tel.