Lianchhiari Rûnah mini theatre

Lianchhiari Rûnah mini theatre
Directorate of Information & Public Relations building, Lianchhiari Rûna mini theatre chu Thawhlehni khan I&PR secretary Betsy Zothanpari Sailo chuan a hawng.
Mini theatre chu lemchan lama tuimite hmasawnna tura chhenfakawm tak a ni tih I&PR secretary hian a sawi a. Tunhnaiah Mizoramin film siam kawngah nasa taka hma a sawn leh mipuiin kan hlut chho zel chu lawmawm a tih thu a sawi. Film tihhmasawnna atan apps siam a ni leh film tihhmasawn kawnga sawrkarin theihtawp chhuah a inhuam chu thil lawmawm tak nia a hriat thu a sawi bawk.
Lianchhiari Rûna mini theatre hi mi 100 len theihna tura duan a ni a, laser projector leh bungraw changkang tak taka thuam a ni. Film siamtuten I&PR department-ah dilna thlen hmasain an film siam chu he theatre-ah hian man chawiin an chhuah thei dawn a ni.