License-in a phal bak damdawi kawl mansak

Health department hnuaia awm Food and Drugs Administration chuan tunhnaiah Serchhip-a damdawi zuartu zingah an license-in a phal bak damdawi, ruihna atana hman sual theih lo kawl chu an mansak.
24th NCORD (Narco Coordination Centre) Serchhip thutkhawma FDA-in an report danin, Serchhip-a damdawi zawrhna dawr 14 an chhuizuina atangin, damdawi zuarten an damdawi zawrh, licence-in a phal chin bak an kawl damdawi chi hrang hrang strips 35 leh bur 26 an man sak a, heng an thil man hlut zawng hi Rs.10385 hu a ni.
Serchhip Police chuan tunhnaiah heroin gram 1129.36 (Rs.22587800 hu an man a; Excise & Narcotics Department- in heroin gram 0.65 leh ganja gram 635 an man bawk.
Member secretary, Serchhip SP Gavit Gogna chuan kum thum chhunga ruihhlo dona atan hmalak dan tur leh a kaihhnawih department-te mawhphurhna tur a sawifiah a. Ruihhlo do kawnga a bika hmalatu tur Special Investigtion Team pawh dinfel a ni tawh a, hma lak zui thuai a ni dawn tih a sawi.
NCORD thutkhawm hmasaa lo rel tawh angin BSF/ Assam Rifles leh Police-ten ramri hnaih lamah joint patrolling neih thuai an tum tih sawi a ni bawk.