Link road-ah MLA-ten an ngaih pawimawh thehlut turin ngen
Link road-ah MLA-ten an ngaih
pawimawh thehlut turin ngen
Agriculture link road ah MLA tin chu an bial chhunga an ngaihpawimawh zual chu a changtu minister emaw ama hnenah emaw hrilhhre turin a chah tih chief minister Lalduhoma chuan a sawi.
Nilainia Assembly Session-ah chief minister chuan, agriculture link road mamawhna a la sang hle a, agriculture leh horticulture-ah link road atan sawrkarin cheng nuai 3000 ve ve an ruahman a, oil palm bikah phei chuan duh aia tam an dah a, oil palm link road-ah nuai 3000 bawk dah a ni tih a sawi.
Link road sial tur project an ruahmanin, a awm sa dah mai a ni thin a, a awmsa zingah tuna hman vak tawh lohte a lo awm thei, tiin, MLA-te chu an biala an ngaihpawimawh zual chu thlen zung zung thin turin a ngen tih a sawi a ni.
Agriculture minister PC Vanlalruata chuan, agriculture link road leh PCC (plain cement concrete) ti tura dilna hi nitin chawhrualin pali vel an dawng tih a sawi a. Sawrkar laipuiah link road sialna tur hi an dil thin a, phaiah chuan link road a ngaih lem loh avangin sawrkar laipui hotuten an hrethiam vak loa, an dil hlawhtling thei rih lo tih a sawi. Hmarchhaka tlangram state Agriculture minister ho tanho puiah a sawm mek tih a sawi bawk.