Lionel Messi a ropui zual zel

Lionel Messi tant thenkhatte chuan, “Cristiano Ronaldo chuan a ropuizia media mite a hrilh thin a. Lionel Messi erawh chu ropui ber a nih thu Media ten an hrilh thin zawk,” tiin an sawi thin. A chungchang sawi tam lo mah se Messi hian mual chhungah tha ber a nihzia a lantir chiang deuh deuh zel a. MLS Cup-ah an champion hnuin a ropuina belhchhahin a awm.
Pathianni zing khan MLS Cup final-ah Messi khelhna Inter Miami in 3-1 in Vancouver Whitecaps an hneh a, a vawi khat nan an champion. Final-ah hian Messi chuan assist vawi hnih a nei. MLS Cup ah player tha berah thlan a ni a. Play-off-ah goal 15 lai thunin MLS Cup play-off a goal thun hnem ber record a siam thar bawk. Messi an neih hmaa trophy la chawi ngai reng reng lo Inter Miami hian Messi an neih hnuin trophy pathum an chawi tling der tawh.
Ballon d’Or vawi riat ngawt dawng tawh a, World Cup-ah tum hnih ngawt Best player lo ni tawh Lionel Messi hian senior huangah trophy 44 lai a la tling tawh a. Trophy 50 lak tling a hnaih deuh deuh zel. World Cup 2026-ah an champion thei a nih chuan Messi ropuina hi a zual leh ngei dawn a. tTunge ropui ber’ tia inhniala a tawp fel hle tawh tura a ngaih a ni.