Lirthei chesualah 5 thi
April 21 khan Mamit district West Phailengah lirthei chesualah a chuang zinga mi 5 an thi, hliam na zual mi 6 an awm bawk.
Thudawn danin, Zirtawpni chawhma dar 10.50 vel khan Rajiv Nagar atanga Marpara kal tur pik-up pakhat chu West Phaileng khawchhungah, kawng chho ulh laiah lawn chhuak zo loin a tawlh liam a, kawngthlang feet 300 vela thui a lum. He lirtheiah hian mi 15 chuangin a hmunah pathum an thi nghal a, midang pahnih chu damdawi in panpui an nih laiin an hliam tuar loin an thi.
Thi zinga pakhat Deb Kumar Chakma chu Tarabonia Govt. Primary School-a zirtirtu thawk lai a ni a, midang pali hi hmeichhe naupang vek – Bonomota, Ayushi Chakma, Siki Chakma leh Kajola te an ni. An vai hian Marpara lam mi vek nia sawi an ni a, Rajiv Nagar-a Chakma kut – Biju Festival hmanga kal haw lam an ni. Hliam zinga a na zual mi 6 chu Aizawl lama enkawl tura lak an ni.
Lirthei chesualah 5 thi
Get real time updates directly on you device, subscribe now.
Prev Post
Next Post