Lirthei tlan phal dawn lo

Sports & Youth Services department leh Innovations India-in February 14 (Inrinni) zing dar 6.00 atanga chawhma dar 10.00 inkara Aizawl International Half Marathon 2026 a buatsaih tur chu tluang taka hman a nih theihnan tlan kawng tura ruahman – Chite lei World Bank Road atanga Trinity Hospital Silaimual inkarah hemi hun chhung hian lirthei eng chi mah tlan phal a ni lo tih SP Traffic Aizawl chuan mipui a hriattir.
Kawng khar hun hi Half Marathon tlan dan azirin hawn hma emaw hawn tlai emaw zawk theih a ni dawn tih a sawi a ni.
Aizawl International Half Marathon 2026 tibuai thei tur lirthei chhia kawngpui dunga dah pawh lo senghawi vek turin hemi huamchhunga awmte a hriattir bawk.