livia Rodrigo “Stupid Song” a lar ber

Olivia Rodrigo “Stupid Song” a lar ber
Olivia Rodrigo hla thar “Stupid Song” chu Billboard Global 200 chart No.1-ah a debut a, he chart-a a hla No.1 kai thei pangana a ni. Hetihrual hian chart top 10-ah a hla paruk a lang thei a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Olivia Rodrigo “Stupid Song” hian kar khat chhungin stream maktaduai 67.7 leh sales 3,000 a nei thei a, hei hi chart No.1-ah a debut pui a, he chart-a a hla No.1 kai thei panga a ni. He hla hi a album thar Bllboard 200 (US albums) chart-ah pawh No.1 kai thei “You Seem Pretty Sad for a Girl So in Love” album ami niin, he album-a hla dang “Drop Dead” chu No.1 a lo kai tawh bawk a, album-a pakhat atangin No.1 kai thei hla pahnih a nei ta a ni.
Olivia Rodrigo hian Bad Bunny nih rualin he chart-a No.1 kai thei hla ngahah pathumna a rawn ni ta a, BTS (8) leh Taylor Swift (7) te chiah a pha lo. A hla dang “Drop Dead”, “Vampire,” “Good 4 U,” leh “Drivers License” te an lo No.1 tawh bawk. He chart hi September 2020 atanga an tih tan chauh a ni thung.
Rodrigo hla dang ‘The Cure’-in stream maktaduai 54.2 neiin, No.9 atangin No.2 a kai thar leh ta a, ‘Drop Dead’-in stream maktaduai 51 neiin, No.13 atangin No.4 a kai thar leh ta a, “Honeybee”-in stream maktaduai 43.2 neiin, No.5-ah a debut a, “Maggots for Brains”-in stream maktaduai 37.6 neiin No.8-ah a debut a, a hla dang “May Way”-in stream maktaduai 35.8 neiin No.10-ah a debut bawk.
Billboard Global 200 Top10:
1 Stupid Song – Olivia Rodrigo
2 The Cure – Olivia Rodrigo
3 Hate That I Made You Love Me – Ariana Grande
4 Drop Dead – Olivia Rodrigo
5 Honeybee – Olivia Rodrigo
6 Billie Jean – Michael Jackson
7 Swim – BTS
8 Maggots For Brains – Olivia Rodrigo
9 I Knew It, I Knew You – Taylor Swift
10 My Way – Olivia Rodrigo