Lunglei Municipal Council-a councillor thlantharte chuan Nilaini khan chief minister Zoramthanga an kawm.
Chief minister chuan LMC councillor-te chu a lawmpui thu sawiin, an hmabakah duhsakna a hlan a. Sawrkar laipuiin inrelbawlna semzai, decentralization a uar zel ang bawkin Mizoramah pawh Aizawlah bul tanin, tunah Lungleiah Municipal Council din a ni leh tih a sawi a. Councillor thlantharte chu tunah chuan thil thar vek hmachhawn tur ni mah se, inzir chho zelin, mawhphurna tak tak lak hunah chuan hlimawm an tih ngei a rin thu a sawi a ni.
“Hmalak honaah mawhphurhna insem a nihin, a tha in mi zawng zawng a daih sen vek loh chang a awm thin a, chu’ngah chuan ngui mai loa mahni koa tla te thahnemngai taka thawh zel a pawimawh a; hruaitu tha ni tur chuan zuitu tha nih a pawimawh a ni,” Zoramthanga hian a ti. Bul tan thar tur an nih angin mamawh an neihah pawh inthlahrung lo turin a hrilh a, a remchan dan ang zela sawrkarin a puih tur thu a sawi a. Councillor tharte chu Lunglei leh a chhehvel tan hmasawnna tha thlentu an nih ngei a beisei tlat tih a sawi a ni.
LMC councillor-te hian chief minister hnenah hian mamawh an neih thenkhatte an thlen nghal a ni.
LMC councillor-ten CM hmu
Get real time updates directly on you device, subscribe now.
Next Post