Lunglei Municipal Council-a an party-in sawrkarna a siam hnu ah Lunglei mipui chunga lawmthu sawina atan ZPM Thalai chuan Thawhlehni khan ‘Thank You Lunglei’ programme an siam a, lawmthu sawina atan hian LMC councillor-te hnenah sumfai an hlan.
ZPM Thalai Hqrs vice president Zoramchhana Sailo chuan LMC councillor-te Lunglei khawpui tana a taka chechhuaka an hnatlang chuan ZPM Thalai Hqrs hruaitute rilru a hneh a, Lunglei mipuiin an duh taka an thlantlin councillor-te chet dan chu mawi an ti a. Lunglei mipui tan ZPM Thalai a luanchhuahna chu lo pawmsak turin an ngen tih a sawi.
Tuna an hnatlan ve na tur sumfai an hlan Rs. 43,100 chu Thalai Hqrs. hruaitute leh an party chhunga mi tlawmngaiten an thawh-khawm a ni tih an sawi a ni.
LMC chairman Lalzuithanga pawhin thu sawiin, ZPM Thalai Hqrs-in Lunglei mipui an ngaihsakna chu lawmawm a tih thu a sawi a. An hmalakna chuan Lunglei mipui leh ZPM Thalai inthianthatna leh inunauna a sawhngheh sauh a ring tih a sawi a ni.
LMC hnenah sumfai hlan
Get real time updates directly on you device, subscribe now.
Next Post