LMC-in nau piang leh mitthi
chhinchhiah buaipui tan dawn
Nau piang leh mitthi chhinchhiah (birth & death registration) mawhphurhna chu Lunglei Municipal Council (LMC) kutah a awm dawn tak avangin hemi kaihhnawihah hian Nilaini khan LMC hotute pualin training buatsaih a ni.
LMC chairman Lalzuithanga’n training hi a hawng a. LMC chief executive officer Donny Lalruatsanga’n kaihruaiin, Directorate of Economic & Statistics-a deputy director Vanlalrengi chuan training hi a pe a ni.
Training-ah hian Registration of Births and Deaths Act 1969 chungchang bakah birth certificate leh death certificate pek chhuah dawna fimkhur a tulna leh hriat tur pawimawh zir a ni a. Zawhna awmte chhan a ni bawk.
Sawrkar hriattirna tihchhuah angin, kum 2025 atangin LMC huamchhunga nau piang leh mitthi chhinchhiah chu LMC kutah hlan a ni tawh dawn a. LMC huamchhungah chuan LMC secretary Lalrinawma chu deputy registrar atan sawrkarin ruatin, LMC-in hma a la zui tawh dawn a ni.
LMC-in nau piang leh mitthi chhinchhiah buaipui tan dawn
Get real time updates directly on you device, subscribe now.
Next Post