Lo hal hawn tawp ni March 15

Lo hal hawn tawp ni March 15
State Level Sub- Committee on Fire Prevention chuan an chairman, EF&CC minister Lalthansanga kaihhruaiin kumina Fire Prevention Week hman dan tur Ningani khan an rel.
Minister chuan kan ramngaw derdep takte kangmei laka venhim a tul hle tih a sawi a. Ecological balance vawnhimna atan kangmei ven a pawimawh a, a hun taka chet lak leh inhmakhua lawk a pawimawh tih a sawi a ni.
Kumin atan February 9-13 chu Kangmei Ven Hapta atan hman nise, February 9-ah hawn nise an ti. Thupui atan “Nungchate chenna leh tui thianghlim min petu ramngaw kangmei lakah venghim rawh” tih thlan a ni.
March 15 aia tlai loah lo hal zawh nise, Lengpui leh a chhehvela lo hal turte tan, tlai lam thlawhna thlawk chhuak leh tum hnuhnungber hnu lamah chauh hal tura tih a ni. Kum danga tih thin angin, Fire Prevention Award sem leh nise an ti bawk.