Lo hal hun zawm tha tlang
Sawrkarin March 15 hmaa lo hal vek tura a tih chu Serchhip district-ah chuan an zawm tha hle tih sawi a ni.
Serchhip District Fire Prevention Committee chu an chairman, bawrhsap Paul L Khuma hoin Zirtawpni khan an thukhawm a. Member secretary, DFO Thenzawl R Lalnungrenga chuan state level-a kangmei vengthaah an district chu a titha pahnihna an ni tih a sawi a. Kumtin March 15 hmaa lo hal tura hriattirna chhuah thin chuan zawm a hlawh tha a, a hnu lamah lo hal an awm tawh lo nia an hriat thu a sawi. Kum tina kangmei chhuah fo thinna hmun pawh kum dang aia uluk zawka ven dan tur sawiin, khaw tinah VCP kaihhruaiin Village Forest Fire Prevention Committee din nise tih a ni.
Chairman chuan kangmei ven kawngah Sub Hqrs YMA Serchhip hmalakna fakawm a tih thu a sawi a. Tha zawka ram kang kan ven theihnan thil tisualtute zawnchhuah kawngah theih anga thuneitute thawhpui a tul, tiin, bawrhsap pisa in ‘Vantlangviltu app’ a siam pawh hman tangkai theih a ni tih a sawi a ni.
Get real time updates directly on you device, subscribe now.
Prev Post