Loneitu fapa JEE mains-ah pakhatna

Kum hnih chhung a tumruhna leh thawhrimna avangin Maharashtra Washim district a loneitu fapa Nilkrishna Gajare chuan Joint Entrance Examination (JEE) Mains-ah All India Rank 1 a hauh.
Washim a thingtlang khawkilkhawr tak Belkhed khuaa cheng Nilkrishna hian rim taka lehkha zirin ni tin darkar 10 chuang lehkhazir nan hun a hmang a ni.
JEE Mains result chu National Testing Agency chuan Ningani khan a tichhuak a ni.
Nilkrishna pa Nirmala Gajare chuan a fapa hlawhtlinna avangin a lawm em avangin sawi tur pawh a hriat loh thu a sawi bawk.
Nilkrishna hian Akola a Rajeshwar Convent-ah primary school a kal a, Washim a Karanja Lad a JC High School ah a nutei te bula awmin a kal bawk.
“Nilkrishna hi lehkhathiam tak leh infiamna thei tak a ni. Archery ah pawh district leh national level tournament ah te pawh a chhuak thin” tiin Nirmal Gajare chuan a sawi a.
Shree Dnyaneshwar Maskuji Burungale Science and Arts College, Shegaon a kal Nilkrishna chu zing dar 4-ah tho in darkar hnih lehkha a zir hnuah breathing exercise a ti a, chumi hnuah 8.30 atangin lehkha a zir leh tan thin a, zan lamah dar 10-ah a mu thin tiin Gajare chuan a sawi.
“A zirnaah titha se ka duh ,a ka fuih thin. Ka tih theih ve ngai miah loh tur te tihlawhtling se ka duh a ni” tiin gajare chuan a sawi bawk.
Nilkrishna hian IIT Bombay a zir a duh a, scientist nih a tum bawk a ti a.
Nilkrishna hian thlaleha JEE-Advanced hmachhawn turin a inpuahchah zui mek a ni