LR&S inrelbawlna a fel lo Surveyor hna outsource ang – Revenue minister

Land Revenue & Settlement department-a ram buai chi hrang hrang a tam chhan chu inrelbawlna fel loin a hrinchhuah a ni tih
a changtu minister B Lalchhanzova chuan a sawi a. Surveyor hna chu department-in kutken zui zel loin midang kuta dah an tum tih a sawi.
Assembly Session-a zawhna chhangin LR&S minister chuan, tun dinhmuna department indaih loh dan ngaihtuahin an hna thenkhat chu outsource mai tul an ti a. Chutiang tur chuan survey firm empanelment buaipui mek a ni tih a sawi. Tuna surveyor post 139 an neihah 64 chiah an nei a, hnawhkhah ngai hi zaa 53 a ni tih a sawi bawk.
March 4 hi outsourcing agency-te expression of interest (EoI) thehluh hawn ni a ni tih a sawi a. Hei hi mipui harsatna phuhrukna atana tih niin, inkaihhruaina tur uluk taka duan a ni a, secrecy vawn leh thil dangah EoI pawh fimkhur taka ziah niin, an survey hna thawh hi department-a an thehluh hunah technical expert ten an lo thlifim leh zel dawn tih a sawi a ni.
Ram buai chi hrang hranga harsatna hi eng vang nge tih an ennaah, department lama a thawhpuite chhanna chu, mipui nen an inkar kak a rei tawh a, ram a buai tih hriat a nih hma in kum tam tak ngaihtuah lohin a lo awm a, administration siamthat a ngai nasa lutuk a, a tirah buaina chu en mumal a ni thin lo, tiin, administration a tha thei ang bera kalpui a nih theih nan ngaihtuahna sen a ni tih a sawi.
Minister sawi danin, Autonomous District Council tel loin Mizoram hmun dang zawngah LSC/ House Pass/ WRC/ Periodic Patta etc 272028 a awm mek tih a sawi a ni.