Lunglei district-ah VC 88 & LC 24-ah inthlang dawn

Lunglei district-ah VC 88
& LC 24-ah inthlang dawn
Lunglei district chhungah local council 24 leh village council 88 ah inthlanpui neih a ni dawn a. General seat 360 leh reserved (hmeichhe tana hauh) seat 132 a awm.
Kumin February 12-a Lunglei district-a VC leh LC inthlanpui buatsaih tura mawhphurhna hrang hrang chelh tura ruat, nodal officer-te chu Thawhlehni khan district election officer, bawrhsap Navneet Mann hoin Lungleiah an thukhawm a. Inthlan felfai leh hlawhtling tak buatsaih a nih theihnan ruahmanna hrang hrang an siam.
DEO chuan nodal officer-te chu an mawhphurhna theuh tha taka hlenchhuah tum tura chahin, duhsakna a hlan a. Election duty-ten postal ballot hmanga vote an thlak theih dan tur ruahmanna a sawifiah bawk. Hemi hnu hian mawhphurhna peng hrang hranga inpuahchahna kalpui dan tur leh thil pawimawh sawiho a ni.
Lunglei district-ah hian VC 88 leh LC 24-ah inthlanpui buatsaih tur niin, a pumpuiah general seat 360 leh reserved seat 132, a vaiin seat 492 a awm a. A pumpuiah vote nei mi 92937 – mipa 45960 leh hmeichhia 46977 an awm a ni.