Lungleia lei chetna lai enfiah

Tunhnai ruahsurin Lungleia Zobawk South NH.54 leimin leh Zotlang Tourist Lodge panna kawng tlakhniamna hmun chu Inrinni khan Disaster Management & Rehabilitation secretary K Lalrinzuali chuan a tlawh.
Zobawk Southa Leitan bawr leh a huamchhunga NH 54 laih hna thawh avangin kumin August 18 khan leimin liantham tak a thleng a, leiminna chhak tlangah lei khi zau tak a awm a, chu chuan leimin lian zawk a thlen theiin mihring nunna leh in leh lo leh bungrua tan pawh a hlauhawm bakah leiminna zawna cheng chhungkaw pali an riahchhuah thu khawtlang hruaituten an lo hrilh a. D&MR secretary chuan leiminna lai hi harsatna liantham a thlen loh nan kawng siamtu NHIDCL leh contractor EPC chu chak taka hma la tura nawr a tum thu a sawi. Chhungkaw pali riakchhuakte pawh theih ang anga chhawnmdawl a nih tur thu a sawi bawk.
Zotlang Tourist Lodge panna kawng pawh Geology & Mining mithiamte nena zirchian a, plan mumal tak siam turin a chah a, thuneitu sang zawkah a lo bawhzui tur thu a sawi a ni.