Lungleia parking fee khawn tum pe tha lo

Lungleia parking fee khawn tum pe tha lo
Lunglei Municipal Council-in dan tlawhchhan hmanga Lunglei khawpui chhunga parking fee khawn a tum chu lirthei neitu lamin an pe tha duh lo tih sawi a ni.
Lunglei Municipal Council (LMC) chief executive officer Donny Lalruatsanga chuan hriattirna a tichhuak a. Lunglei Municipal huamchhungah The Lunglei Municipal Council (Control of Parking and Collection of Parking Fees) Regulations 2024 tlawhchhana parking fee khawnna tur ruahman anga parking fee khawn a nih mek laiin, pe duh loa harsatna siam tam tak an awm nia a lan thu a sawi.
He dan tlawhchhan hian, mi tu pawhin he thupek zawm loa parking fee pe duh lo zawngin a che emaw Municipal thuneitu zah lo taka a che a nih chuan dan angin hmalak zel a ni dawn tiin thupek a chhuah. Thupek hi a chhuah ni atanga hman tan nghal tura tih a ni tih a sawi a ni.