Lungleia Territorial Army hmunpui awmna tur relho
Mizoram sawrkarin Territorial Army (TA) ‘Mizo Company’ din tura Lungleia an awmna hmun tur leh mamawh ngaihtuah dan sawiin Zirtawpni khan district bawrhsap Navneet Mann hoin an thukhawm.
Thutkhawmah hian a kaihhnawih sawrkar department ho an tel a. 166 Infantry Battalion (Territorial Army) Home & Hearth, Assam hnuaia ‘Mizo Company’ officer commanding (OC) Lt Col. Prashant Kakade leh JCO an tel bawk.
Bawrhsap chuan Mizorama sipai leh mipui thawhhona tha zawk a awm theihna tur, Mizo thalaite tana hna tam zawk siamtu tur a ni tih a sawi a. Mizo Company chhawrtu tur chu Mizo thalaite leh Mizoram mipui a nih angin an inben belna turah leh an hnathawhnaah sawrkar department leh mipuiin a theih anga thawhpui a pawimawh tih a sawi a ni.
TA Mizo Company awmna hmun atan hian Lunglei Kawmzawla sipai luah ram chhungah hmunhma ruahman tum niin, ram acre 20-a zau lakna tur hriattirna (preliminary notification) chu June 4 khan Lunglei district collector & deputy commissioner chuan a chhuah tawh a. Helai hmuna sipai an inbenbelna atana PHED atanga tui pekna tur leh P&ED atanga eng pekna tur mamawh chu state sawrkarah thlenin, hma lak zui nise, tih a ni.
Lungleia Territorial Army hmunpui awmna tur relho
Get real time updates directly on you device, subscribe now.