Maha Kumbh hmannaah kangmei chhuak

Sakhaw thila khawvela mihring punkhawmna lian ber, Hindu sakhaw hun pui, Maha Kumbh hmanna hmun, Uttar Pradesh-a Prayagraj-a a chhimtute awm khawmna puan inah gas bur pahnih a puak a, nasa takin kangmei a chhuak tih police-in an sawi a. Puan in 100 chuang a kang chhia.
Mihring thi leh hliam erawh an awm lo niin police chuan an sawi.
Maha Kumbh hmanna hmunah hian rikrum a awma che chhuak thei tura chhawp kang thelh lirtheite an che chhuak nghal a, kangmei hi an thelh nghal thei niin thuneitute chuan an sawi.
Kangmei chhuahna bul hnaia puan in kaiha khawsate chu an himna atan hmun him lamah suan chhuah an ni bawk.
Prime Minister Narendra Modi chuan Chief Minister Yogi Adityanath pawh he thil thleng chungchangah hian a be nghal a. Chief minister pawh hian enpui turin hotu sang zawkte a tir chhuak nghal bawk.
“Maha Kumbh Mela-a Sector 19-ah gas bur pahnih a puak a, hei hian awm khawmte inkulhna hmunah kangmei a tichhuak a. Kang thelhtuten an timit thuai thei hlauh a ni,” tiin Akhara police station in-charge Bhaskar Mishra chuan news agency PTI a hrilh.
Maha Kumbh chuan, “A lungchhiatthlak a. Maha Kumbh-a kangmei chhuak hian mi tin a barakhaih a. Hotu lianten chhanchhuah leh puihna hna an thawk nghal a, Maa Ganga hnenah mi tin himna turin kan tawngtai nghal a ni,” tiin X-ah an tar lang.
Ni 45 chhung awh tur Maha Kumbh Mela hi January 13 atanga hman tan kha a ni a, mi vaibelchhe 7.72 chuang chu Hindu sakhaw lui thianghlimah an inbual tawh a. A tawp thleng chuan India mai ni lo, khawvel hmun hrang hranga Hindu vaibelchhe 400 vel inbual hman tura ngaih a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More