Nationalist Congress Party (NCP) (SP) chief Sharad Pawar chuan June 30 khan an party, Congress leh Shiv Sena (UBT) Uddhav Thackeray kaihhruai te chuan October thlaa Maharashtra Assembly polls ah tangrualin an chuh tur thu a sawi.
Pawar chuan Maharashtra a political party lian te chuan 2024 Lok Sabha inthlana coalition tel party tenau zawk te chhan leh humhim chu an mawhphurhna a ni tiin a sawi a.
NCP (SP), Congress leh Shiv Sena (UBT) te hi November 2019 atanga June 2022 thlenga Maha Vikas Aghadi (MVA) tia sorkar an ni a. Pawar chuan Opposition te chuan lungrual takin Maharashtra mipuite tan an bei dawn a ni tiin a sawi.
“State-ah chuan thil thlak danglam ngai a awm a, Opposition coalition chuan thlak danglam turin moral responsibility an nei a ni” tiin Pawar chuan a sawi a.
“Arjun (Mahabharata epeic) an mit (sangha) mit a thlurbing ang khan, kan mit chuan Maharashtra inthlan a thlurbing dawna ni. Congress NCP(SP) leh Uddhav Thackeray’s Sena (UBT) te chuan tangrualin Vidhan Sabha poll kan hmachhawn ang” tiin a sawi bawk.
Seat insem dan turah erawh sawihona kan la nei lo va, sawihona neih vat a ni ang a. Kum 2024 Lok Sabha poll ah khan mipui ten NCP (SP), Shiv Sena (UBT) leh Congress tangrual an thlawp tha hle a ni a ti bawk.
“Mahse party pathum te mai bakah Left parties, Peasants and Workers Party (PWP) te pawh coalition a tel an ni a, Lok Sabha ah seat kan pe thei lo va. Heng party te humhim tlat hi kan tan tihmakmawh a ni. Chuvangin State poll ah chuan seat pek an ni ang,” tiin Pawar chuan a sawi bawk.
Maharashtra-ah Opposition MVA te thawkho zui dawn
Get real time updates directly on you device, subscribe now.
Prev Post