Mahindra Bolero thar August 15-ah tlangzarh dawn

Mahindra Bolero thar August 15-ah tlangzarh dawn
Mahindra Bolero chhuak thar tur chu a nihna khuhbo chunga khawlaia an tlanchhuah pui chhin lai thlalak a awm ta a, a landan kimchang te la hriat theih loh mah se a pawnlam design nih dan tur chu a hriat theih ruak tawh a, Mahindra chuan an Bolero thar hi August ni 15-ah an tlangzarh dawn niin an sawi a, tuna an hralh chhuah lai Bolero Neo thlakna tur a ni a, standard Bolero chu an la kalpui zel dawn tho a niawm e.
He spy-photo atanga a landanah chuan a bumper design hi an tidanglam deuh a nih hmel a, a turn signal awmna pawh an sawn deuh. A design nawlpui hi chu a danglam lutuk dawn lo niina lang a, a windowline te pawh a shape a danglam vak lo, a bodyline erawh tlemin tuna Bolero Neo aiin a lang nêm deuh zawk. Overall-ah sub-four meter proportion a la nei a, a chhunglam awmdan tur erawh engma a la hriat theih loh. Company lam chuan Bolero thar hi platform thara din tur niin an lo sawi tawh bawk a ni.