Mahni kutkawih ngeia billionaire ni thei naupang ber- Lucy Guo

Mahni kutkawih ngeia billionaire ni thei naupang ber- Lucy Guo
Lucy Guo, kum 30, chu official takin billionaire a ni ta a, Taylor Swift record khumin, mahni kutkawih ngeia billionaire ni thei naupang ber niin Hindustimes chuan a tarlang. Forbes khawvel mihausa zual, billionaire list-ah Lucy hi langin, a company ‘Scale AI’ chu tender offer June ni 1-ah an nei dawn a, employee leh investor ten an share an hralh hma thei ta a, a company lutna hi Forbes chuan dollar tluklehdingawn 25 angin an chhut a, nikum May thlaa a hlutna dollar maktaduai 13.8 atangin 80%-in a zuang nghal dawrh a ni.
He artificial intelligence company hi Guo hian 2016 a din a ni. Guo hi China atanga US-a pem te thlah niin, San Francisco Bay Area a cheng a ni a, middle school a kal lai atangin coding a tuipui tan tawh a, Carnegie Mellon University-a a zirlaiin billionaire Peter Thiel-a’n entrepreneurs naupang zawk hmalam hun êng nei deuh te sum leh pai lama a tanpuina dawngin, Thiel Fellow ni turin a zirlai a bansan ta a ni.
Forbes-in a tarlan danin Guo hi Quora-a a thawhlaiin Scale AI a din pui Alexandr Wang nen an intawng a, chumi hnuah Snapchat-ah a thawk lehzuai a, 2016-ah Wang nen hian Scale AI an din ta a, chumi hnuah sumdawnna dang Backend Capital a din leh a, tunah pawh billion-dollar startup Ramp-a investor a ni leh mek bawk.
Forbes hian 2023 khan Taylor Swift, kum 35, chu hmeichhe zinga mahni kutkawih ngeia billionaire ni thei naupang berah an puang a, tunah chuan Guo, kum 30 hian record thar a rawn siam ve leh ta a ni. Khawvel huapin, ro khawm vang emaw, pasal then vanga pasalte sum an dawng vang emaw pawh ni lo, mahni thawh chhuah atanga billionaire ni thei hi hmeichhe 100 chuang awrh chauh an la awm niin Forbes chuan a tarlang bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More