Vur manto- Cellato Byakuya

Vur manto- Cellato Byakuya
Khua a lum a, naupang atanga puitling thleng pawhin vur a tui kan ti riau. Mahse, vur (ice cream) pakhat Rs 10,000 man tling ei tawh kan awm em ti ila, ban phar tur kan awm meuh lo ang. Hetiang a nih lai hian Japana ice cream pakhat chu a’n to leh bik mai mai khawp a, Rs 5,20,000 man lawih a ni a, Guinness World Records-in khawvela ice cream manto berah a puang.
Japanese luxury dessert brand ‘Cellato Byakuya’ chu JPY 8,73,400 (Rs 5,20,000 vel) man a ni hem mai! A man a to bawk a, a naran lo khawp mai, he ice cream siam nana an hman ‘white truffle’ chu Alba, Italy atanga a hranpa ngata an lak luh a ni a, a vur siam nana an thil chawhchawrawi chi hrang hrang zinga mi hi Kg-ah Rs 15,192 man a ni daih. A rim a danglam a, ei siam khawvelah white truffle hian ngaihhlut a hlawh hle a ni.
He ice cream siam nan hian ‘Parmigiano Reggiano’ an telh bawk a, hei hi Italian cheese hriathlawh tak a ni. Hei bakah hian ‘sake lees’ a tel bawk a, hei hi Japanese zu Sake atanga siam niin, ei bakah ian ‘edible gold leaf’ a la tel leh cheuh bawk. Hetiang ice cream hi kut ngeia chher thir fian ang deuha an chhawp thin a, a siam nan hian Kyoto temple atanga an hmanraw lak kher an hmang thin.
Cellato hi chef Tadayoshi Yamada nen tawkhoa an siam a ni a, ani hi French cuisine lama expert niin, he ice cream siam chhuak tur hian kum khat leh a chanve enchhinna chi hrang hrang an neih hnua an siam chhuah a ni.