Makhachev a chak nawn leh

Inrinni zan khan Abu Dabhi ah UFC 294 neih a ni a, fight ngaihven hlawh berah lightweight champion Islam Ma-khachev chuan Alexan-der Volkanovski a hneh nawn a, a kawnghren a humhim.
Makhachev leh Volkanovski-te hi UFC-ah an lo inhma-chhawn tawh a, an inhnehtawk hle. Volka-novski hian hliam vanga inhnukdawk Charles Oliveira ai a awh a, fighter lar Ma-khachev hmachhawn turin ni 12 chiah in-buatsaihna hun a nei. Inbuatsaihna hun nei tlem viau mah se mit la takin a inlan a, fight hmuhnawm takah ui-awm takin a tlawm a, world champion nih a tumna a puitlin zo lo. Am intawn hmasak-naah tlawm mah se title fight hmachhawn nawntir leh a ni.
UFC 294-ah inbuat-saihna tha zawk nen inlanin, champion bei-seina sang zawk nen inlan mah se a tum ram a thleng zo lo nawn leh. Volkonovski hian a ke vei lamin chiang zetin a khingpui a pet fuh a, knock out a chakin, a kawnghren a humhim leh ta a ni.
UFC 294-a fight ngaihven hlawh dangah Khamzat Chimaev chuan a khingpui Ka-maru Usman chu majority decision in a hneh ve bawk. Usman hi Chimaev khingpui tura ruat lawk a ni lo va, Paulo Costa inhliam vanga Chimaev hma-chhawn ta thut a ni.
UFC-ah fight vawi 12 hmachhawn tawha la chak vek Chimaev lakah inbuatsaihna tha nei lo chungin inlan mah se a khel chhe lo hle a. Fight hmuhnawm leh inhnehtawk takah ui-awm takin a tlawm. Usman hnehtu Chi-maev hian middleweight champion Sean Strick-land hmachhawn a duh thu a sawi.