Kum 18 a tlin hma hauh pawhin Malala Yousafzai cu Pakistan-a hmeichhia ten zirna lamah hma an sawn theih nana hmalatu hriathlawh ber pawl a ni tawh a; Taliban hoin thah tuma a lu-a silaia an kah hnua dam chhuak niin, Nobel Peace Prize dawng thei naupang ber a ni bawk.
Tichuan le, 2023 Oscar-ah host Jimmy Kimmel chuan nikuma thil thleng, inhnialna tam tak chawk chhuaktu ‘Venice Film Festival-a Don’t Worrym Darling film premiere-naah Harry Styles-a’n Chris Pine chil a chak em ni?’ tih chu zawtin, “History-a Nobel Prize dawngtu naupang ber i ni bawk a, Harry Styles-a’n Chris Pine kha chil a chhak i ring em?” tiin hmaichhanah a zawt ta phawng mai.
Chutah han talbuai leh hamhaih deuh pawh nei map lovin Malala chuan, “Remna tu lo chu ka sawi ngai lo,” tiin a lo chhang ve nghal hmak a, Kimmel chuan, “Kha tak kha Malala i nihna chhan chu a ni. Chan dan tha tak a ni e,” a ti ve nghal bawk.
Malala Yousafzai hi short movie ‘Stranger at the Gate’ executive producer a ni a, he film hi kumin Oscar-ah hian best documentary short subkect category-ah nominate a ni a, mahse, award erawh a dawng ta lo. He category-ah hian Te Elephant Whisperers-in award a dawng ta zawk a ni.
#SpitGate an ti a, nikum tawp lama Internet-a inhnialna topic hot tak a ni a, Harry Styles hian Chris Pine chil a chhak khum lai niawm tak video clip a darh a, hemi hnu lawkah hian Pine-a thupuangtu chuan he video clip hi a lan ang a nih loh thu a puang zui ve ta nghal a ni.
Malala-i’n Harry Styles-a’n Chris Pine chil a chhak khum leh khum loh chungchanga Oscar host zawhna a chhang thiam
Get real time updates directly on you device, subscribe now.
Prev Post