Maldives in India chhuak turin ti

Thliarkar tereuhte mahse a awmna hmun avanga pawimawh em em bawk si Maldives chuan Indian sipai te an ram chhuahsan tura a tih hnuah thliarkar venghim tur leh maritime territory zau tak veng turin military thuam chak nasat a ni dawn a ti.
Mohamed Muizzu chuan Parliament a thusawina a neihah Maldivian National Defence Force (MNDF) chu tunlai sipai chakna tha ber ber hmanga thuamin tuipui leh a chhehvel global shipping lane pawimawh te humhim turin thuam chak an ni dawn a ti.
Maldives leader chuan India chuan March 10 atangin maritime reconnaissance aircraft pathum a dah te hmangin sipai te a thiarchhuak tan ang a, thla hnih chhungin a inla chhuak vek hman tur a ni a ti bawk a.
New Delhi chuan Indian Ocean archipelago hi a influence chhunga awm angah a ngai a.
Mahse, Maldives chuan Muizzu thlantlin a nih hnuah China a awn ta a ni. China chu Maldives creditor lian ber ni bawkin nikum September thlaa Muizzu thlantlin a nih hnuah Indian sipai te chu chhuak turin a lo nawr tawh a ni.
“Kan ram kawngpui, tuipui leh boruak a veng hima tichak turin tunlai sipai chakna changkang leh tha ber bera thuam a ni ang. Tuna atangin hma kan la tan tawh a ni” tiin Muizzu chuan a sawi a.
MNDF te chuan Maldives 9,00,000 square-km Exclusive Economic Zone (EEZ chu surveillance leh venhimna an tan nghal vat ang tiin a sawi bawk a ni.