Malsawmna dawn zel nan SASCI sum lapse tur dan beh kan tum lo – F Rodingliana

SASCI sum lapse chungchangah Pathian malsawmna an dawn zui zel theih nan dan dikloa thil tih ai chuan dang bet loa hnawl an thlang ta zawk tih minister F Rodingliana chuan a sawi.
Thawhtannia ZPM office-a inkhawmah ZPM hruaitu F Rodingliana chuan, sawrkar hmasa in SASCI sum a hman dan leh a kalpui dan zirchian chuan a bilha tho lo a ni a, ni khat thilthuah hna lian tak tak hmun 270 vel ami chu mi 43 hnena pek chhuah niin, election model code of conduct-in a phuar zui leh ta si a. Council of Ministers thukhawm chuan ngun takin a ngaihtuah a, utilization certificate (UC) lem hmanga sum lapse tur dan beh ai chuan, kan ram leh sawrkarin malsawmna a dawn zel theih nan Pathian tihna avangin an hnawl ta a. SASCI 2023- 2024 hnaah hian sawrkar thar a inrawlh lo hrim hrim tih a sawi.
A department chan hrang hranga hma lak dan F Rodingliana hian a sawi a. Tunlaia power supply khaihlak fo chhan chu, distribution loss tih tlem nan hrui tè zawkte hrui liana an thlak mek vang a ni. Aizawl atanga tanin, a tahtawla hma lak zel a nih avangin, a lo thim zeuh zeuh a nih pawhin mipui hriatthiamna an dil tih a sawi.
Electric bill siamna atana kum 2022 atanga software an hman – Virtuoso SAP software chu an duh khawp lo deuh a, meter reading manual-a lak a, manual-a entry chu tihsual a awm fo avangin, heng diklo nuaibo nan hian RDSS hnuaiah smart meter reading tih tum a ni tih a sawi bawk.
Printing & Stationary department-in sikul naupang zirlaibu subject 46 atan copy 496030 an chhu a, sem chhuah hman vek niin, chhut belh mek a ni a, a kawm tuam hran ngai loa laminate vek a ni a, a chhung paper thlengin Delhi-a sawrkar school-te nen danglamna a awm lo tih minister hian a sawi a ni.
Tualchhung thilsiam humhalhna tur Preferential Rules 1994 an ennawn mek a, Industrial Policy 2024 an peih tep a, bana kaihna tur ‘AMEN Scheme’ pawh an peihfel tawh a, cabinet approval an hmuh chuan industry lama tuimite tan chuan ‘mana’ a ni dawn tih a sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More