Mamata Banerjee-in harsatna nasa tawk thei

West Bengal Assembly Winter session thla kaltaa neihah khan Chief Minister leh Trinamool Congress (TMC) chief Mamata Banerjee chuan State capital Kolkata a bus tawt taka pickpoket te chungchang a sawi a.
A malin an che ngai lo, pakhatin ‘chor chor (rukru, rukru)’ tia a aurualin midangin a tlanchuah theih nan an lo pui nghal thin tiin a sawi a. Banerjee thusawi chuan treasury bench a thute chu ngaihdan in ang lo siam tirin, a tum ber erawh Opposition tena corruption a an puhna chuan behchhan a nei lo a tihna a ni thung.
Session neih laiin Opposition MLA te Leader of the Opposition Suvendu Adhikari kaihhruai te chuan sorkar lai chu eirukna nasa taka inhnamhnawiha puhin CHief Minister chu an kawh rawn bawk a ni. Suvendu Adhikari hi TMC a awm reng thin niin BJP ah a peng ta thung.
Adhikari hi Narada sting video tih mai kum 2016 a lar hluai politician tena thamna an la lai camera kam ruka lo la renga puh bera neih chuan Banerjee chu ‘Mamata chor’ tia beizui rengin chunga beih nana a hman ber te chu Saradha chit fund scam (2013), school recruitment scam (2014-2024), leh public distribution system scam (2023) te a ni.
Enforcement Directorate PDS scam chhuichiang mek tute chuan Thawhtan khan Rs 9,000-Rs10,000 crore vel atangin Rs 2,000 crore vel chu direct in emaw Bangladesh kaltlangin emaw Dubai-ah transfer a ni an ti.
Agency te chuan Minister Jyoti Priya Mallick chu PDS kaltlanga buhfai sema quintal khat zela Rs 20 a lak avangin an man tawh bawk a.
Minister te, MLA leh TMC leader lawk te chu scam hrang hrang avanga lung ina an tan mek bawk avangin a term thumna turah Banerjee tan eirukna chungchang chu tikhawlhkhamtu ber a ni dawna ngaih a ni.
Kum rei lo te kalta kha chuan hoarding hrang hrangah Trinamool chief chu ‘satatar prateek (symbol of honesty)’ tia sawia hoarding tam tak Kolkata-ah a awm nasa a. Banerjee chu hmeichhe pangngai cotton sari satliaha inthuam leh rubber slipper buna awmin chu chuan State mipuite a hneh hle reng a ni.
Kum 2011-a Chief Minister a nih hnuah pawh Banerjee chuan official accomodation duh lovin Kolkata-a Harish Chatterjee Street-a a chenna in tlawm takah a awm zui a.
Chief Minister hlawh pawh la duh lovin MP hlui a nihna anga a pension pawh a la duh hek lo, a lehkhabu atanga royalty a dawnte chu a sum neihte an ni mai.
Trinamool kum 12 sorkar chhunga corruption chungchanga puhna sawi a awm apiangin Chief Minister chuan mipuite chu amaha rinna nghata development an kalpui chu hmathehah a nei char char a ni.
Narada sting video kum 2016 Assembly election hmaa thehdarh a nih khan Banerjee chuan a hmingin vote a dil hlauh a. Kum 2021 inthlan dawn pawh khan seat tina candidate a nih thu sawiin vote a ngen a ni.
|um tam tak chu Chief Minister chuan State mipuite hnenah ruling party leader eiruknaa inhnamhnawih te lakah a khauh tur thu a sawi chungin hma a la tawk lo hle tia sawi a ni thung.
Banerjee chuan minister hlui school job scam avanga man Partha Chatterjee te ang te chu a thlawp tlat a. Mallick, PDS scam a October 2023 a man tawk pawh minister a la ni zui reng thei a, Mamata chuan chung mite chu ‘rukru’ ni theia a ngaih loh thu a sawi. School job scam avanga a MLA lung ina khungte lakah pawh hremna a la lekkawh hek lo.
Trinamool Congress tena central probe agency-te chu tihbik neia chhui nei bika an puhna chuan behchhan a nei ngei dawn chungin mahse party hruaitu lawkte eirukna thubuai an nei fer fur chuan an fihlim tawk lohzia a pholanga ngaih a ni tho bawk.
Eiruknaa inhnamhnawiha puhna te chu Opposition tena Trinamool tena term thumna an hman meka beih nan bera an hman a ni a. Mipui nawlpuite erawhin party hruaitu thenkhatte chu an depdep thei chungin Banerjee bik chu fihlim angah an ngai thung. Chutih rualin Banerjee-in mipuite tana welfare scheme a tuichilh burna ang poster te pawh a tlem tial tiala sawi niin ‘symbol of honesty’ banner-te pawh State chhungah hmuh tur a awm tawh lo tih a ni bawk.
Lok Sabha inthlan pawimawh tak awm mai turah heng puhnate hian Trinamool chairperson hmel a tibal thei a, chutih laiin BJP te atangin chona na tak a tawng mek bawk a. Lok Sabha inthlanah BJP te chuan seat 42 awmah 35 lak an tum bur thu an sawi bawk.
Political observer te chuan tun hmaa Trinamool tena welfarism leh populist measure an lak thin ang kha tunah chuan a hmantlak tawh loh an ti a, chumai bakah tunah chuan an hruaitu lawkte eiruknaa fihlim lo leh hrem ngam lova ngaihna chu an chhiat phahna a ni thei an ti bawk.