Mamit kawng thianfai mek

Mamit leh Aizawl inkalpawhna kawngpui National Highway 44A/108 chu Mamit atanga Dapchhuah thlen hma hmun tam takah leiminin a hnawh ping a, thenfai mek a ni.
Thenfai hna hi Thawhlehni zing atang khan MPWD Highway Division-in a thawk a, lirthei kaltlang theih tur chuan hun a duh deuh dawn niin thawktute chuan an sawi.
Thudawn danin, leiminin kawng a hnawh hi a tam hle a, a liantham deuh, hna hautak deuh tur chu hmun sarih velah a awm. Kawng pinna hmun hi Mamit leh Dapchhuah inkarah vek a ni a, Dapchhuah atangin leh Mamit lam atangin khawl hmanga thenfai hna thawh a ni chungin, hun erawh a duh rei dawn nia sawi a ni.