Mamitah FCS&CA building hawng
Mamita FCS&CA office building thar chu Zirtawpni khan Food, Civil Supplies & Consumer Affairs minister K Lalrinliana’n a hawng.
NABARD hnuaiah administrative buliding sakna tur sum hmuh theih a ni lo chungin, supply kudam satu contractor-ten an kudam sakna atanga hlawkna an hmuh pawhkhawm atanga Mamit DCSO office building thar puitlin a ni tih sawiin, hna puitlin theihna tura tha thawhtu leh khawtlang tawiawmnaah lawmthu a sawi. Mizo hnam inunauna chu a chakin a tha telh telh a, kan ram a rethei hle nachungin Pathian khawngaihna azarah eirawngbawlna gas leh buhfai pekchhuah lamah harsatna kan nei lo leh, ration card-a chuang lo raltlan tam tak kep thei khawpa buhfai bikah kan hnianghnar thei chu thil lawmawm tak a ni tih a sawi bawk.
Building sak hna hi Babie Construction & Consultancy-in thawkin estimate amount cheng nuai 100 a ni a. March 2022 atanga sak tan niin, a building chhungah hian staff-te luah tur room pasarih, basement lamah room pathum, mikhual thlen theihna tur dormitory anga hman theih a awm tel a ni.
Mamitah FCS&CA building hawng
Get real time updates directly on you device, subscribe now.