Mamitah Girls Hostel din

Samagra Shiksha hnuaia Netaji Subhash Chandra Bose Awasiya VidhyalayaSecondary Girls Hostel Mamit chu Thawhtanni khan bialtu MLA Er. H Lalzirliana’n a hawng.
Mamit district chu Aspirational district-a thlan an nih chhan zingah zirna kawngah leh hriselna kawnga tehfung hrang hrangah an nih tur an phak loh vang a ni tih bialtu MLA hian sawiin, district mipui chu an rilru, ngaihtuahna dik nei a, tumna sang tak nen district hmasawn tak ni zel tura tan kan lak a tul hle tih a sawi.
Girls Hostel Mamitah hian seat 30 awmin Mamit High School atangin mi 10 leh Higher Secondary School atangin mi 20, an vaiin naupang 30 an awm dawn a. Thawktu – warden 1, full time accountant 1, head cook 1, asst. cook mipa leh hmeichhia 1 ve ve, support staff cum peon 1, night guard 1, an vaiin mi 7 an thawk a ni.