Manipur-a inlambunnaah truck khalhtu thi

Manipur-a Ukhrul district-a highway-ah inlambunna a thleng leh a, West Bengal atanga kal truck khalhtu chu mi hriat lohten an that niin police-in an sawi.
Tun hnai chawlhkar eng emaw zat chhung Naga leh Kuki inkara buaina chhuah thar phahna hmun, National Highway 202-a inlambunna a thlen hnua beihpui thlak zuinaa inkahnaah police pakhat a hliam bawk a. hi Imphal-a damdawi inah enkawl a ni.
Thil thleng dangah ni tin mamawh phur truck-te kalna tur thiana kawngpui tifaitu venhim hna thawktute leh a lo dangtu Kuki mite innawrnaah venhim hna thawktute hian mittui tlakna hmanga kapin mi panga an hliam bawk.
Thil thleng pahnih hi venhim hna thawktuten Manipur laili, phaizawl hmuna state khawpui, Imphal atanga khawchhak lam km 80 vela hla, Naga cheng tamna tlangram district-a mamawh bungrua phurhna tur kawngpui dan mek hawn an tum vang a ni a. District pahnih inkarah hian Kuki telin hnam dang chenna khua tam tak a awm bawk.
Khaw mipuiten an lo dan karah venhim hna thawktute hian Zirtawpni tuk atang khan kawngpui dannate an tifai tan a. Inlambunna a thlen hnuah sipai tam zawk luh belhin a titute zawn hna an thawk tan.
Imphal-Ukhrul kawngpui hi Kuki-ten an hnampui mi 14 chin hriat lohva awm mekte him taka hruai kir an nih phutin an dang a. Naga mipa paruk pawh chin hriat lohvin an awm ve mek bawk a, an hnam chuan chhuah zalen tura phutin nawrh an huaihawt ve bawk.
Chief Minister Yumnam Khemchand Singh-a chuan pawikhawihna thleng a dem thu sawiin truck khalhtu chhungte a tawrhpui thu a sawi.
“State puma thil pawimawh inpek a tawp loh nana hna pawimawh tak thawktu leh tangkai ber, bungraw phur lirthei lambun a ni leh driver nunna lak hi thil pawi tak a ni a, kan state-a boruak tang tak awm mek tihzual tumna a ni,” a ti.
Truck khalhtu hi kum 57 mi, Nitish Kumar-a a ni.
Ni hnih kalta khan chief minister hian Manipur Truck Owners’ Welfare Association aiawhte a lo kawm tawh a, national highway-a dan leh thupek kenkawhna dinhmun leh bungraw phurh dan tur a sawipui.
Manipur-ah hian kum 2023 atang khan Kuki leh Meitei inkarah buaina a chhuak bawk a, tun thlengin tharum thawhna thlengah mi 260 chuang an thi tawh a ni.