Manipur-a MNF-IM din MNF party-in hriatpui lo

Manipur-a MNF-IM din
MNF party-in hriatpui lo
Manipur-a Mizo National Front – Integration Movement din thar chu MNF Gen. Hqrs chuan a hriatpui lo tih a sawi.
MNF party thuchhuak chuan, kumin September 15 khan Manipur-ah Mizo National Front – Integration Movement (MNF-IM) intiin pawl din a ni a, Mizoram nena inzawm emaw union territory hunlai atang tawha Mizoram-a awm emaw beiseia hma an lo lak tawhna thu September 16-a an thu puanzar chungchangah MNF Gen. Hqrs chuan engmah hriatpui a nei loa, MNF hming an lo inphuah ve chungchangah pawh inzawmna pakhat mah an neilo tih a puang.
Manipur-a Zofate inpumkhatna kawnga harsatna an tawh chungchang leh hemi kawnga inpumkhat lehzualna tura hma lak an tumnaah pawh inrawn tawn leh inbiakpawhna engmah MNF chuan a nei loa, MNF member zawng zawngin he pawl, Manipur-a MNF-IM din chungchangah buaina emaw inkungkaihna emaw an neilo tih lo hre turin an inhriattir tih a sawi a ni.