Manipur-a Zofate tan nuai 25 vel lut

Thawhlehnia Manipur Zofate thlavang hauhna leh tawrhpuina kawngzawh neih rual a, anmahni puihna atana bawm dawhah sumfai cheng 25 vel a tlingkhawm nia hriat a ni.
Kawngzawhna hmuna bawm dawha sumfai tla zat zawhkualnaa hriat theih chinah cheng nuai 25 a tling a rinawm nia sawi a ni a. Aizawlah chuan Rs. 10,17,970 a tla a, Champhai Rs. 2,22,895 leh Lunglei Rs. 2,15,800 chu a tlak tam zualna a ni.
Hriat theih chinah Mizorama khua 40 chuangah kawng zawh a ni a, tanpuina bawm dawhna hi a awm nual a, a tla zat chiah hi hriatchian theih la ni lo mah se, nuai 25 a chuang tura ngaih a ni tih thudawnna chuan a sawi.