Manipur-ah Meitei putar kap, Kuki nu police-in kap hlum

Manipur-ah Meitei putar kap, Kuki nu police-in kap hlum
Manipur-a Bishnupur district-ah Ningani khan Meitei putar, Phubala khuaa a lova hna thawka awm chu hel pawla mite ngei nia hriatten an kap a. He beihna thlen hnua venhim hna thawktuten beihpui an thlaknaah police-in Kuki nu an kap hlum bawk.
Police hian ‘mi tute nge tih hriat loh ralthuam keng’ nia an sawite an beihnaah hian Kuki-te chenna khuaa an lal nupui, Hoikholhing an kap hlum a ni.
A hmaa lo neitu kah hi Ningthoujam Biren Singh-a niin a bânah hliam a tuar a. Damdawi inah dah niin vawi nga vel kah niin a insawi.
Phubala khuaa chengte chuan Meitei mi, lo nei ve thote chuan silai ri an hriat chuan an himna zawngin an tlan chhe nghal niin an sawi a. Hetianga mi beihna hi kum hnih liam ta chhungin Phubala-ah hian a thleng fo niin an sawi.
An khaw mi tlan chhe zinga pakhat chuan meikhu zâm a hmu a, silai puak ni ngei tura ngaih de zawk a hmu bawk tih a sawi a, ‘Kuki hel’ tia a sawite tih ngei niin a sawi.
“An lo chhuk a, tuikawng sang zawk an kân a, silai an hmet puak ta a. He thil thlen lai hian thu chunga khaini ka siam mek lai a ni a. Mei khua silai de zawk ka hmu a, Biren-a hliam tuar chu bawihsawm ka tum a; mahse, leiah a mu tlat a. Kei pawh kha ding ni ila chu ka dam bik lo vang,” tiin thil thleng hmutu nia insawi dangin video siamin a thil hriat a sawi bawk.
Phubala-Naranseina huam chhungah hian tuikawng pahnih, a sang leh hniam tia an sawi a awm a. A inkar hi metre 800 vel niin a sang zawk atanga tlang bulthut hi metre 800 vel bawka inhlat a ni a. Tlang bulthut hi a hniam zawk atang chuan km 1.6 vel a ni.
Hetih lai hian tuikawng hnuaim zawk atanga lo thenkhat, tlang bulthuta awmte chu km hnih vela hla pawh a awm bawk.
Khaw mite chuan ‘Kuki helho’ nia an sawite hian silai an hmet puah hma hian tuikawng hniam leh sang zawk inkar hi an kal ngei niin an ring a, a hniam zawk awmna lai vel hi silai hmet puahna atan hmun remchang zawk niin an sawi bawk.