MZP Gen. Hqrs, Zo Event Management leh Active Sound tangho chuan Inrinni khan Manipur buaina avanga sahimna zawnga Kolasib district-a tlanlutte tan buhfai leh sumfai an hlan.
MZP president Lalnunmawia Pautu chuan raltlante chu khawtlang tana thil tha lo leh ruihtheih thil ti lo tura ngenin, khawtlang inrelbawlna zah taka khawsa turin a chah a. “Keiniin kan ei chhung chuan in nghei loang,” tiin ngaihngam taka awm turin a chah.
Tanpuina an hlante hi – New Builum, Rengtekawn, Bilkhawthlir leh Vairengte Camp-a awmte niin, New Builum leh Rengtekawnah Camp pakhat ve ve awmin, Bilkhawthlir-ah camp pahnih leh Vairengte-ah camp pali a awm a ni.
Tuirial bialtu MLA K Laldawngliana chuan Manipur atanga sahimna zawnga tlanchhia, a bial chhung Thingdawl Polytechnic hmuna awm mekte chu an mamawh tur thilpek thahnem tak a pe a. Hemi rual hian medical lam atangin nurse-ten raltlante te hriselna endik nghalin, an mamawh ang zelin MLA tumsak damdawi sem nghal a ni.
MLA K Laldawngliana hian ei tur – dal, purunsen, chi, hmarcha, aieng, buhfai, alu, tel, ORS leh dekchi lian pahnih a pe a. Inbualna sahbawn tam tham tak leh an mamawh dangte a pe bawk.
Thingdawl Polytechnic-a awm raltlante hi a tul angin sawrkarin a buaipui a. Tui pawh PHE Department kaltlanga pek anni. DM&R department kaltlangin mutbu nei lo mi 40 hnenah mutbu pek an ni a, ration card ngaihtuah sak niin, Thingdawl retailer hnenah buhfai an la thei tawh a ni.
Manipur atanga sahimna zawngte pui
Get real time updates directly on you device, subscribe now.
Next Post