Manipur atangin raltlan 600 chuang
Manipur buaina avangin Mizorama sahimna zawnga tlanlut mi 600 chuang an awm tawh.
Pathianni tlai dar 5.00 vel thlenga Mizoram sawrkar chhinchhiah chin chu mi 596 an ni a. Aizawl district ah 151, Kolasib district ah 228, Saitual district ah 217 an ni.
Hetihlai hian sawrkar chhinchhiahnaa la lang hman lo nen chuan, Manipur atanga raltlan hi mi 600 an chuang tawh nia thu dawn a ni a. A tam ber hi ramri dep Mizoram khuaah an la awm a, community hall, school leh remchang dang bakah Zopa khual thlena inthleng te an awm. Lut belh tur la awm zel tura thu an dawn avangin khaw thenkhat chuan relief camp an ruahman tan bawk. Raltlan tam ber hi Churachandpur district atanga rawn lut an ni.
-- Advertisement --
Manipur buaina avanga Mizorama raltlan tam tak zingah kum 107-a upa Pi Buangi (Lalneihsangi), Churachandpur district – Zion Street Salem Veng a tel a, Inrinni khan by road-in Aizawl a lo thleng. Pi Buangi hian tun thlengin diary a la ziak a ni.