Indian Youth Congress secretary Mizoram leh Manipur changtu Sarifa Rehman chuan Manipur buainaah boruak muanawm siam tur leh he buaina avanga relief camp-a awmte chhawmdawl kawngah centre leh state-a BJP sawrkar chuan a kut a kuangkuah a, Prime minister Narendra Modi chu hmarchhak mite tana a intiamna tihlawhtling loah a puh.
Mizoram a\anga by road-a Manipur Churachandpur lam tlawha kal IYC secretary chuan state chhung buaina avanga Churachandpur chhehvela relief camp-a awmten Manipur sawrkar a\angin chhawmdawlna an hmu lo a, a bikin hmeichhia leh naupang, nu nau pawm leh rai lai thlengin an him loa, an mamawh ang an dawng lo tih a sawi. Buaina tih reh tumin Manipur-a BJP sawrkar chuan hmalakna a nei lo tih a lan thu a sawi bawk.Manipura BJP sawrkar mai ni lo, Prime minister leh Union Home minister pawhin buaina ti reh a, boruak ralmuang a awmna turin hmalakna sawi tur an nei loa, an ngawihsan nia sawiin, Modi kaihhruai BJP sawrkarin hmarchhak state hmasawn leh ralmuang tiama a lo au tawhna chu a thleng lo mai niloin, kum 9 an sawrkar tawh chhung hian a hnungtawlh zawngin kan kal zawk niin a sawi.
IYC hotu chuan zawhna chhangin, tuna Manipur buainaa tribal-te thil phut leh a lehlam pawl thil phut pawh dawhkan kilin, hnam aiawhte leh political party aiawhten sawi ho a tul tih a sawi a. President’s Rule-a Manipur state dah chu tuna tih hmasak ngai nia a lan thu a sawi. June 23 hian Imphal lam atangin state chhung buaina thleng meka mipui tawrh dan hi a enfiah leh dawn tih a sawi a ni.
IYC secretary hian Indian Youth Congress bultumin ram chhunga thalaite chu thil man to zel ti reh a, hnathawh tur vang leh hna hmu lo pung zel ti ziaawm, hnam leh chibing leh sakhua inkara inrem lohna awm thin tireh turin Congress party auhla tur sawihona ‘ Behtar Bharat Buniyaad’ challenge kalpui an tum tih a sawi a. Mizorama Congress Thalai leh media mite tel turin a sawm tih a sawi.
Manipur buainaah BJP-in kut a kuangkuah – IYC secy
Get real time updates directly on you device, subscribe now.
Prev Post
Next Post