9th International Yoga Day chu khawvel hmun dang rualin Mizoramah pawh Nilaini khan hman a ni.
Aizawlah chuan Rajiv Gandhi Stadium Mualpuiah zingkarah hman a ni a. He hun hmanpuitu larsap Dr Hari Babu Kambhampati chuan Yoga chu khawvel pumah hriat a hlawhin taksa tih hriselna atan mi tam takin an hmang a. India-in midangte mamawh leh midang tana thil tangkai a pekchhuah pawimawh zinga pakhat a ni, tiin a sawi. Kan nitin khawsak phung avangin zunthlum, cancer leh natna dang vei kan tam a. Heng bakahah hian thalai zingah rilru lama harsatna – anxiety, depression leh a dangte vei an pung zel, tiin, “Heng kan harsatna atanga kan fihlimna tur leh a tihdamna atan Yoga hmanga taksa sawizawi hi kan tih theih chuan a hlawkna kan tel ngei ang,” a ti.
Yoga exercise lak danah demonstration neih a ni a. A ruala Yoga hmanga insawizawina – common Yoga protocol neih a ni.
Institute of Bioresources and Sustainable Development (IBSD), Mizoram Node chuan Yoga Day denchhenin IBSD Research Centre Nursery Veng Aizawlah IBSD scientist-te leh thawktu dangte, Directorate of Ayush-a Yoga instructor Dr. Laltlankimi Ralte leh Govt Maubawk Middle School zirlaite nen hun an hmang a ni.
Yoga Day 2023 hi Common Service Center e-Governance India Ltd. leh Ministry of Ayush bultumin Lungleiah pawh Govt Higher Secondary School-ah hman a ni.
Kumina International Yoga Day atana thupui chu “Yoga for Vasudhaiva Kutumbakam (Khawvel inpumkhatna atan Yoga)” tih a ni. He ni hi hospital leh hmun thenkhatah pawh hman a ni.
Mizoramah Yoga Day hmang
Get real time updates directly on you device, subscribe now.
Prev Post