Manipur chief minister N Biren Singh chuan Mizoram chief minister chu an state buaina a reh theihna’n tanpui turin a ngen.
Chief minister Zoramthanga’n a instagram account-a a tarlan danin, Pathianni chhun khan N Biren Singh hian telephone-in a bia a. Mizoram sawrkar chuan Manipur-a buaina thleng mek chu pawi a tiin, buaina a reh theihna tur pawhin theihtawp a chhuah reng a. Manipur sawrkar leh sawrkar laipui hmalaknate thlir reng chungin, buaina a reh theihna tur leh remna a awm theihna tura hmalakna awmte chu an thlawp thu a lo hrilh.
Mizorama Meitei awm mekte him taka an awm theihna tura theihtawp chhuahpui turin a rawn ngen thu pawh Mizoram CM hian sawiin, Mizoram chu a ralmuang a, sawrkar leh NGO-te pawhin Manipur-ah remna leh muanna a awm theihna’n leh Mizorama awm Meiteite himna’n theihtawp an chhuah mek reng a. Mizorama awm Meiteite tan hlauhthawn tur a awm lo a. Him taka an awm theihna tura hmalakna pawh chhunzawm zel a ni dawn tih a lo hrilh thu a sawi bawk.
Manipur CM-in CM Zorama puihna ngen
Get real time updates directly on you device, subscribe now.
Prev Post
Next Post