Manipur hill district tana hmalakna kalpui

Manipur sorkar chuan Thawh\anni a\ang khan hill district Churachandpur-a esseantial commodities pek luh chu Army te leh Central security agencies te nena \angkawpin a kalpui \an tiin a sawi.
State sorkar thuchhuah chuan medical supply te pawh hill district ah hian pek luh a ni ang a, Health Department chuan border Security Force, Assam Rifles leh Manipur Police te hmangin aerial supply a \an tawh a ti bawk.
Hill district-a mamawh chakkhai pek luh hi highway pawimawhte Meitei hmeichhe group tena an danchah avangin kalpui hleih theih lovin a awm a. Imphal-a transporter te pawhin a him lo tiin an tlan duh lo a ni.
He mi chhanlet nan hian August 21 khan Kuki body te chuan Dimapur-Imphal National Highway-2 Kangkokpi district a awm valley area-a Meitei te chakkhai lakluhna ber chu an dang chat ve thung a. Mahse, valley supply nan hian kawng dang peng erawh a awm tho thung.
Tunah State sorkar chuan tribal area te supply pekna tur kawng dang a zawng ve leh ta a. “Churachandpur district-a essential commodities te pek luh a nih theih nan kawng dang Silchar (Assam)” leh Aizawl (Mizoram) kaltlanga kalpui a ni ang, tiin sorkar thuchhuah chuan a tarlang a.
Sorkarin harsatna a sawi zingah Imphal leh Churachandpur inkarah transportation operators ten chet an la duh lo tia sawiin hei bakah hian inter-district boundary-ah law and order lamah hlauhthawnna a awm vang an ti bawk.
State sorkar chuan National Highway security issues te chu State Police te leh Assam Rifles, Central Armed Police Forces, district trade and commerce department te chuan chinfel tumin hma an la reng, an ti bawk a.
District commissioner te enpuina hnuaia commodities awm leh dahkhawm te pawh enfel mek reng a ni an ti bawk a. Buhfai pawh retail-a hralh mek a nih thu sawiin open market scheme hmangin 4,823.50 quintal hralh a ni tawh a. Price reporting centre te pawh siam niin market price uchuak taka khawih danglam tum te lakah hremna lekkawh a ni tiin State sorkar thuchhuah chuan a sawi bawk.
Hetih lai hian Pathianni khan Imphal East district-ah kangmei chhuakin Kuki chenna In a kangmei chhuak chuan Meitei chenna in pawh a kangkai a. He kangmei hi tih palh ni lovin hal luih ngei niin police te chuan an sawi.