Manipur ramri humhim bur ni ang ti

Manipur Chief Minister N. Biren Singh chuan Kuki tamna district MLA 10 tena administration hrang an phut thu an sawi hnuah ‘Manipur ramri chu engti kawng pawha humhim a ni ang’ tiin a sawi.
Chief Minister hian Pathianni khan thlawhnain hmanhmawh takin Delhi a pan a, Home Minister Amit Shah nena inhmuhna nei zuiin hel pawl te sorkar nena inremna lailawk siama ‘suspension of operations’ ziaka hel pawl te pawh an camp a an awm zui theihna tur chu kalpui zui zel a nih thu a sawi bawk a.
Singh chuan State-in hun khirhkhan tak a tawh mek laiin mipui te chu dharnas emaw rallies emaw huaihawt lo turin a ngen bawk.
Hei mai bakah hian tun hnaia buaina chhuak avanga group thenkhat tena kawngpui danchah an kalpui te sutkian nana tharum hman a nih loh tur thu sawiin chu aiah chuan lungawilote nena inbiakna neiha chinfel tum tur a nih thu a sawi bawk.
Chief Minister chuan press conference a neihnaah, “Manipur territorial integrity chu engti kawng pawha humhim a ni ang” a ti bawk a. “Union Home Minister Amit Shah enpuina hnuaiah hel pawlte nena SoO (Suspension of Operations) groups ziah pawh kalpui chhunzawm zel tur a ni,” tiin a sawi bawk.
Singh chuan amah leh a minister thenkhatte chuan Delhi an pan thu sawiin State dinhmun te leh thil awm dan dik tak te Centre a thuneitute hnenah an hrilh thu sawiin tun hnaia Manipur-a buaina chhuakah armed militant te an inrawlh thu an sawi tiin a sawi bawk.